Украинада Стамбулдағы келіссөздердің нәтижесі күтпеген жерден жария етілді
Украина Жоғарғы Радасының депутаты Ярослав Железняк Ресей мен Украина делегациялары арасындағы Стамбұлдағы келіссөздердің қорытындысы «ешқандай нәтиже бермеді» деп мәлімдеді, деп хабарлайды newsroom.kz.
Sky News телеарнасына пікір білдірген украиналық дереккөз де Ресей қойған талаптар шынайылықтан алшақ екенін және бұған дейін талқыланған тақырыптардан тыс кеткенін айтты.
Хабарламаға сәйкес, Ресей Киев бақылауындағы ДХР, ЛХР, Херсон және Запорожье облыстарынан әскерді әкетуді талап еткен.
Сондай-ақ, Жоғарғы Рада депутаты Алексей Гончаренконың (Ресейде террористер мен экстремистер тізіміне енгізілген) айтуынша, Мәскеу 30 күндік бітім туралы ұсыныстан бас тартып, келіссөздерді аудармашыларсыз – тек орыс тілінде жүргізген. Бұдан бөлек, бірқатар «әдеттен тыс талаптар» қойылған.
Қазіргі уақытта тараптар келіссөздерді жалғастыру мүмкін екенін айтқанымен, үзіліс алған. Ресей тарапынан әзірге ресми түсініктеме берілген жоқ.
Бұған дейін Мемдума депутаты Сергей Миронов Ресей мен Украина арасындағы келіссөздерге қатысты пікір білдіріп, Стамбұлдағы жағдай Украина президенті Зеленскийдің әрекетін «АҚШ бақылауынан шыққан толыққанды бейберекет қадам» деп бағалаған.