Жаңа Рим Папасы алғашқы үндеуін жасады
Жаңа понтифик Лев XIV Ватикандағы Әулие Петр соборының балконына шығып, Украинада шынайы әрі тұрақты бейбітшілік орнауын, Газада атыстың тоқтауын және ХАМАС тобы тұтқында ұстап отырған барлық израильдік тұтқындардың босатылуын талап етті, деп хабарлайды newsroom.kz.
Рим епископы сондай-ақ, Үндістан мен Пәкістан арасындағы атысты тоқтату туралы келісімді құптап, бұл келіссөздердің бейбіт шешімге алып келетініне үміт білдірді.
Әлемнің түкпір-түкпірінен жиналған 100 мың адамға қарата айтқан сөзінде Лев XIV марқұм Папа Францисктің әйгілі үндеуін қайталап: «Соғысқа енді жол жоқ!» деді. Ол бүгінгі әлем жағдайын «бөлек-бөлек бөліктермен жүріп жатқан үшінші дүниежүзілік соғыс» деп сипаттады.
Айта кетерлігі, жаңа понтифик бұл жолғы үндеуін таза итальян тілінде жеткізді.
