Есірткіге қарсы ауқымды акция өтті. Жетісу ауданында нашақорлықтың алдын алу және жастар арасында салауатты өмір салтын насихаттау мақсатында «Есірткіге жол жоқ» атты кең есірткіге ауқымды есірткіге қарсы акция өтті.
Аталған іс-шараға Жетісу ауданының прокуратурасы, Жетісу комьюнити орталығының қызметкерлері, Алматы қаласы Полиция департаментінің қарсы күрес басқармасы, жергілікті полиция басқармасы және белсенді еріктілер тобы қатысты.
Іс-шара барысында белсенділер мен еріктілер аудан аумағындағы көшелерді аралап, ғимарат қабырғаларында, қоршаулар мен подъездерде жазылған есірткі жарнамаларын, QR-код түріндегі сілтемелер мен түрлі граффитилерді жою жұмыстарын жүргізді. Бұл әрекеттер қала келбетінің тазалығын сақтауға ғана емес, сондай-ақ жасөспірімдер мен жастардың есірткіге қолжетімділігін азайтуға бағытталған.
Сонымен қатар тұрғындар арасында түсіндіру жұмыстары жүргізіліп, есірткі заттарының заңсыз айналымының салдары мен жауапкершілігі туралы ақпарат берілді. Іс-шара барысында құқық қорғау органдарының өкілдері мен комьюнити орталығының қызметкерлері есірткімен күрестегі қоғамның белсенді рөлінің маңыздылығын атап өтті.
Есірткіге қарсы күрес аясындағы мұндай шаралар алдағы уақытта да жалғасын тауып, түрлі ұйымдар мен қоғам белсенділері арасындағы әріптестік арқылы жүйелі түрде жүзеге асырылатын болады. Бұл – салауатты ұрпақ тәрбиелеуге, қауіпсіз әрі есірткіден ада орта қалыптастыруға бағытталған маңызды қадамдардың бірі.