Нұрсұлтан қаласындағы көп қабатты үйде ер кісінің мәйіті табылды
Елордадағы көп қабатты үйлердің бірінде атыс қаруынан қаза тапқан ер кісінің мәйіті табылды, деп хабарлайды NewsRoom+ақпарат агенттігінің тілшісі policia.kz-ке сілтеме жасап.
Құқық қорғау қызметкерлерінің хабарлауынша, 26 мамыр күні 102-ге мәйіт табылғаны туралы хабарлама келіп түскен. Оқиға болған жерді тексере келе, 47 жасар сол көп қабатты үйдің тұрғыны екені анықталған. Ол өзін аңшылық қарумен атқан. Тексеру барысында ұялы телефонында хат қалдырғаны белгілі болған. Ер кісі 2019 жылдан бері әйелімен ажырасып, соңғы кездері осы үйдегі пәтерлердің бірінде өмір сүрген. Елордалық полицейлердің хабарлауынша, "Сайга-М2" маркалі аңшылық қаруы мәйіттің өз атына тіркелген.
Бүгінде бұл бойынша қылмыстық іс қозғалып, тиісті сараптамалар тағайындалған.