Қызылордада мұғалім әйелін балтамен шауып өлтірмек болды
Қызылорда облысы Шиелі ауданының тұрғыны әйелін балтамен шауып өлтірмек болған, деп хабарлайды newsroom.kz
Қатты соққылар әйелдің қолы мен басына тиген. Қазір 42 жастағы зардап шеккен әйел ауыр халде жансақтау бөлімінде жатыр. Оған шұғыл көмек көрсету үшін облыс орталығынан дәрігерлер санавиациямен жеткізілген.
Полиция бұл оқиғаны растады. Күдікті — 20 жылдық еңбек өтілі бар биология пәнінің мұғалімі. Қазір ол уақытша ұстау изоляторында. Қылмыстық кодекстің "Адам өлтіруге оқталу" бабы бойынша іс қозғалып, тергеу жүріп жатыр.