Ал АҚШ долларының бағамы сәл төмендеп, 521,53 теңгені құрады. Бұл – бір күн бұрынғы көрсеткіштен 0,1%-ға аз, дегенмен сәуір басымен салыстырғанда 3,4%-ға жоғары.
Бірінші несие бюросының сарапшыларының пікірінше, доллардың әлсіреуіне АҚШ президентінің күтпеген экономикалық шешімдері мен Федералды резерв басшысын жұмыстан босату туралы мәлімдемелері де әсер еткен. Сарапшылар доллар индексі соңғы үш жылдағы ең төменгі деңгейге түскенін атап өтті.
Ұлттық банктің дерегі бойынша, ресейлік рубль де теңгеге қатысты нығайып келеді. 22 сәуірдегі ресми бағам – 6,43 теңге. Бұл – ақпан 2023 жылдан бергі ең жоғарғы көрсеткіш.
Айта кетейік, жақында алтын бағасы да тарихи шекке жетіп, бір унциясы 3370 доллардан асты.
