Теміртауда жедел жәрдем фельдшері әріптесінің соққысына ұшырады
17 сәуір — Теміртау қаласында 30 жастағы жедел жәрдем фельдшерін соққыға жыққан оқиға бойынша қылмыстық іс қозғалды. Оқиға әйел адамның кезекшілікте отырған кезінде, жедел жәрдем қосалқы стансасының аумағында болған, деп хабарлайды newsroom.kz.
Куәгерлердің айтуынша, оның әріптесі – мас күйде болған ер адам – онымен "сөйлесуге" келіп, кейіннен ашуға бой алдырып, әйелді жерге құлатып, қылқындырған, соққыға жығып, шашынан сүйреп жүрген. Әйелдің жан даусына өзге қызметкерлер жүгіріп келіп, оны зорға арашалап алған. Одан кейін ер адам оқиға орнынан қашып кеткен.
Жәбірленуші ауруханаға жеткізілген. Дәрігерлер оның жабық бас-ми жарақатын, ми шайқалуын, саусағының сынуын, денесіндегі көптеген көгерулер мен жарақаттарын анықтаған.
Облыстық жедел жәрдем станциясының мәліметінше, оқиға кезінде күдікті еңбек демалысында болған және қызметтік мекемеге заңсыз кірген. Демалыстан кейін оған қатаң тәртіптік шаралар қолданылатыны айтылды.
Бұл жанжалдың жеке сипатта болуы мүмкін. Себебі фельдшер ер адамның қызымен жақын құрбы болған. Ер адамды сол әріптесінің оның сүйіктісіне "одан кет" деп кеңес беруі ашуландырғаны айтылуда.
Тағы бір қызық жайт – оқиғадан кейін ертесіне әлгі ер адамның өзі де ауруханаға түскен. Ол өзін үш бейтаныс адам «Одан сәлем!» деп сабап кеткенін айтқан. Алайда көп ұзамай ауруханадан өз бетімен шығып кеткен.
Полиция бұл оқиға бойынша қылмыстық іс қозғалғанын растады. Қазір оқиғаның барлық мән-жайы анықталуда.
«Емделу курсы аяқталған соң қақтығысқа қатысқан тараптарға тиісті сараптамалар тағайындалады. Тергеу амалдары жүріп жатыр», — деп хабарлады Қарағанды облыстық Полиция департаментінің баспасөз қызметі.