Астана халықаралық әуежайында антитеррористік оқу-жаттығу өтіп жатыр
Астана халықаралық әуежайында антитеррористік оқу-жаттығу шарасы өтіп жатыр, деп хабарлайды newsroom.kz.
Бүгін, 14 сәуірде елордадағы Нұрсұлтан Назарбаев атындағы халықаралық әуежай аумағында ҚР ҰҚК Антитеррористік орталығының ұйымдастыруымен «Найза-Антитеррор-2025» атты оқу-жаттығу басталды. Бұл туралы Астана әкімдігінің ресми сайты хабарлады.
Жолаушылар мен қала тұрғындарынан жаттығу жұмыстарына түсіністікпен қарау сұралады. Оқу-жаттығу кезінде әуе және автокөлік қозғалысына шектеу қойылмайды.
Сондай-ақ азаматтардан қауіпсіздік шараларын сақтап, мемлекеттік органдар қызметкерлерінің заңды талаптарын орындау сұралады. Ресми ақпарат көздеріне сүйеніп, жалған мәлімет таратпау қажеттігі ескертілді.