Жан-Клод Ван Дамм адам саудасымен айналысты деп айыпталуда
Румынияда актер Жан-Клод Ван Дамм адам саудасына, оның ішінде кәмелетке толмағандарды сату желісіне қатысты деп айыпталды,- деп хабарлайды newsroom.kz порталы румындық Libertatea басылымына сілтеме жасап.
Тергеуді Румынияның Ұйымдасқан қылмыспен күрес прокуратурасы жүргізіп жатыр. Іс 26 жастағы ел азаматының арызы негізінде ашылды, ол 10 жыл бұрын Канн қаласында актер оны пайдаланды деген.
Өз мәлімдемесінде ол жалғыз емес екенін, қыздардың «актерге берілгенін» және не болып жатқанын жиналғандар білетінін айтты.
Жәбірленушінің адвокаты Адриан Кукулистің айтуынша, өнер иесі он жыл бұрын Францияда болған кезінде румын текті бес қыздың жыныстық қызметтерін пайдаланған.