Мұхтар Жәкішев Мәсімовтің зәулім үйін аукционнан бұрын сатып алмақ
Мұхтар Жәкішев Мәсімовтің зәулім үйін аукцион алдында сатып алды. exclusive.kz сайтының хабарлауынша, қазақстандық кәсіпкер және «Қазатомөнеркәсіп» ҰАК-ның бұрынғы басшысы Мұхтар Жәкішев таяу уақытта өтуі тиіс аукционның бастапқы шарттарына қарамастан, Ұлттық қауіпсіздік комитетінің бұрынғы басшысы К.Мәсімовтің элиталық үйін сатып алу туралы келісімге келген,- деп хабарлайды newsroom.kz
Елорданың Нұра ауданында, Ерейментау 1 мекенжайында орналасқан зәулім үй бастапқы бағасы 1,8 млрд теңгемен сатылымға шығарылды.
Үй бір гектарға жуық жер телімімен, сонымен қатар аукциондық құжаттаманың мәліметтері бойынша 879 жылжымалы мүлік кіретін барлық ішкі жиһаздарымен бірге сатылды. Оның ішінде 628,6 мың және 575,2 мың теңгеге бағаланған қымбат жиһаздар, картиналар, қытайлық вазалар, қаламсап сияқты коллекциялық бұйымдар бар.