Тасмағамбетов өзін сынағандарға жауап беріп тастапты
Әлеуметтік желілерде ҰҚШҰ Бас хатшысы Иманғали Тасмағамбетовтің мәлімдемесі бар видео тарады. Аталған видео ресми емес аккаунтта жарияланған, деп хабарлайды newsroom.kz.
Онда Тасмағамбетов өзіне қатысты "Ресейшіл ұстанымда" деген айыптауларды жоққа шығарып, Қазақстанның мүддесіне адалдығын баса айтты.
Сонымен қатар, ол ҰҚШҰ-дағы қызметі ел қауіпсіздігіне бағытталғанын, бұл оны сатқын етпейтінін жеткізді. Сондай-ақ, әлеуметтік желілердегі жалған ақпараттар мен манипуляцияларға сенбеуге шақырды.
Қазіргі уақытта видеоны растайтын немесе жоққа шығаратын ресми ақпарат жоқ.