ҰБТ-2025: 121 талапкердің нәтижесі жойылды
Ұлттық тестілеу орталығының мәліметінше, 2025 жылғы Ұлттық бірыңғай тестілеу кезінде ереже бұзған 121 талапкердің нәтижелері жойылды, - деп хабарлайды newsroom.kz тілшісі Ұлттық тестілеу орталығына сілтеме жасап.
Тестілеуге қатысушылардың 70,7%-ы қазақ тілінде, 29,2%-ы орыс тілінде, ал 100 талапкер ағылшын тілінде тапсырды.
Ереже бұзушылықтардың негізгі себептері:
- 43 талапкердің тыйым салынған заттарды алып кіруге әрекеттенуі;
- 55 талапкердің тестілеу барысында тәртіп бұзуы;
- 23 талапкердің сертификаты бейнежазбаларды тексеру нәтижесінде жойылуы.
Ұлттық тестілеу орталығы академиялық адалдықты сақтау үшін бақылауды күшейтіп, талапкерлерді ережелерді қатаң сақтауға шақырады.