Қасым-Жомарт Тоқаев Бангладеш Президентін Тәуелсіздік күнімен құттықтады
Қазақстан Президенті Қасым-Жомарт Тоқаев Бангладеш басшысы Мохаммад Шахабуддин Чуппу мен ел халқын Тәуелсіздік күнімен құттықтап, жеделхат жолдады, - деп хабарлайды newsroom.kz тілшісі Ақордаға сілтеме жасап.
Мемлекет басшысы екі ел арасындағы достық пен өзара түсіністікке негізделген қарым-қатынастың алдағы уақытта да халықтар игілігі үшін нығая түсетініне сенім білдірді.
Сондай-ақ, Қасым-Жомарт Тоқаев Бангладеш Президентіне жауапты қызметінде табыс, ал бауырлас ел халқына бейбітшілік пен өркендеу тіледі.