ІІМ баспасөз қызметінің мәлім етуінше, Солтүстік Қазақстан облысында күдік тудырған көлік тоқтатылып, Виола есімді қызметтік иттің көмегімен тексеріс жүргізілді. Нәтижесінде, көліктен 30 грамнан астам мефедрон табылды. Тергеу барысында ұсталған азаматтың есірткі жасырушы екені анықталды.
Тағы бір жағдай Алматы – Астана тасжолында тіркелген. Полицейлер тоқтатқан көлікті Тея есімді қызметтік ит тексеріп, 11 келіден астам гашиш есірткі заты тәркіленді.
ІІМ Есірткі қылмысына қарсы іс-қимыл комитетінің кинологиялық қызмет басқармасының бастығы Алмас Күнтуовтың айтуынша, 2025 жылдың екі айында қызметтік иттердің көмегімен 100-ден астам есірткі құқық бұзушылығы анықталып, 600 келіден астам есірткі тәркіленген. Оның 48 келісі синтетикалық есірткі.
Құқық қорғау органдары есірткі қылмысына қарсы күресті күшейтіп, азаматтардың қауіпсіздігін қамтамасыз ету бағытындағы жұмыстарды жалғастыруда.