"Астана Опера" театрына жаңа директор тағайындалды
Мәдениет және ақпарат министрі Аида Балаева "Астана Опера" театрының жаңа директоры ретінде Александр Совостьяновты тағайындады. Бұл туралы newsroom.kz порталы хабарлайды Tengrinews.kz-ке сілтеме жасап.
Александр Совостьянов 2013 жылдан бері "Астана Опера" театрымен тығыз байланыста. Театр ашылған кезде ол директордың орынбасары қызметін атқарған. Кейінірек “Астана Балет" театрының басшылығына келіп, оны халықаралық деңгейде дамытуға үлес қосты.
Өнер ұжымымен алғашқы кездесуінде Александр Совостьянов "Астана Опера" театрының дәстүрлерін сақтап, оны одан әрі дамытуға ниетті екенін айтты. Ол репертуарды кеңейту, халықаралық байланыстарды нығайту, жас әртістерді қолдау және жаңа көрермендерді тарту басым бағыттардың бірі болатынын атап өтті.
Айта кетейік, 2013-2019 жылдар аралығында Александр Совостьянов "Астана Опера" театрының байланыс және маркетинг жөніндегі директорының орынбасары қызметін атқарған. Ал 2019 жылы "Астана Балет" театрының директоры болып тағайындалып, бұл қызметте алты жыл еңбек етті.
Бұған дейін ол "Нұр Медиа" холдингі, "Эра ТВ" (Седьмой канал) және "Астана" телеарнасына қарасты РДВ компаниясында қызмет еткен.