Қазақстандықтар Наурыз мейрамында неше күн демалады
Алдағы Наурыз мейрамына орай қазақстандықтар бес күн бойы демалыс алады.
Ресми мереке күндері – 21, 22 және 23 наурыз. Алайда, 22 наурыз сенбіге, 23 наурыз жексенбіге сәйкес келгендіктен, демалыс күндері 24 және 25 наурызға ауыстырылады. Осылайша, ел тұрғындары қатарынан бес күн – 21-25 наурыз аралығында демалады.
Наурыз Қазақстанда мемлекеттік мереке болғандықтан, бұл күндері барлық мемлекеттік мекемелер мен көптеген ұйымдар жұмыс істемейді. Алдағы уақытта қандай да бір қызметке жүгінгіңіз келсе, осыны ескеріңіз.
Айта кетейік, Наурыз – көктемнің басты мерекелерінің бірі. Бұл күндері ел аумағында ұлттық дәстүрлерге негізделген түрлі мәдени шаралар ұйымдастырылып, көпшілік мерекені кеңінен атап өтеді.