Германияда белгісіз біреулер 100-ден астам бөшке сыраны ұрлап кеткен
Белгісіз біреулер Германияның көптеген аймақтарында жыл сайын өтетін карнавалға арналған 100-ден астам бөшке сыраны ұрлап кеткен,- деп хабарлайды newsroom.kz
Ұрылар қала орталығында тұрған, карнавалды тойлауға дайындалған көлемі 10 литрден 50 литрге дейінгі сыра бөшкелері сақталған екі рефрижератор жүк көлігін бұзып кеткен. Полиция материалдық шығынды 20 мың еуроға бағалап отыр.
Құқық қорғау органдары ұрылардың қылмыс орнынан осыншама сыраны қалай алып кеткенін әлі анықтаған жоқ. Мұны істеу үшін оларға бір немесе екі фургон немесе тіпті жүк көлігі қажет болды деп болжануда.