Қазақстанда туу көрсеткіші төмендеді
ҚР Денсаулық сақтау министрі Ақмарал Әлназарова елдегі туу көрсеткіші туралы мәліметтерді айтты,- деп хабарлайды newsroom.kz
Денсаулық сақтау министрлігінің басшысы медициналық-демографиялық көрсеткіштер денсаулық сақтау жүйесі қызметінің негізгі көрсеткіштері болып табылатынын атап өтті.
«2025 жылдың басында халық саны 1,3%-ға артып, 20,3 млн адамды құраса, туу көрсеткішінің 6,2%-ға төмендеуі байқалады»,- деді ол.
Ол сондай-ақ өмір сүру ұзақтығындағы гендерлік айырмашылықты атап өтті. Оның мәліметінше, әйелдер ерлерге қарағанда орта есеппен 8 жылға ұзақ өмір сүреді. 2023 жылы ерлердің өмір сүру ұзақтығы 71 жасты құраса, әйелдердікі 79,1 жасты құрады.