Штраф жоқ: Көлікті 5 минуттан артық қыздырғандарға айыппұл салынбайды
Бұл туралы депутаттардың автокөлікке қатысты мәселені ІІМ-мен бірге талқылағанында белгілі болды
Депутат Нартай Сәрсенғалиевтің айтуынша, Қазақстанның солтүстік өңірлерінде көлікті бес минутта толық жылыту мүмкін емес,-деп хабарлайды Newsroom.kz тілшісі Baq.kz сайтына сілтеме жасап.
Егер жүргізушілер суық көлікпен жолға шықса, бұл көліктің бұзылуына әкелуі мүмкін, ал жөндеу қосымша қаржылық жүктеме болмақ.
Өз кезегінде Ішкі істер вице-министрі Игорь Лепёха жол қозғалысы туралы заңдағы "бес минут" нормасы тек "тоқтау" мен "тұрақ" ұғымдарын ажырату үшін енгізілгенін түсіндірді.
Көлікті жылыту туралы заңда бес минуттық шектеу көрсетілмеген. Тұрғындарға қолайсыздық тудырған жағдайда ғана елді мекендерде қозғалтқышы қосулы тұрған көліктің тоқтауына тыйым салынады. Бұл норма бойынша жауапкершілікке тек тұрғындардың шағымы негізінде тартылады. Өткен жылы мұндай үш жағдай тіркелді, оның біреуін прокуратура жойды. Демек, біз қозғалтқышты жылыту үшін ешкімді жауапкершілікке тартпаймыз. Бұл – қолдан жасалған мәселе, – деп сендірді вице-министр.