Биыл Алматыға 1,7 млн турист келді
Алматы New York Times версиясы бойынша ең жақсы 10 саяхат орындарының бірі ретінде белгіленді,- деп хабарлайды newsroom.kz
Алматы Орталық Азиядағы жетекші туристік дестинация ретінде өз позициясын нығайтуда. Қала Condé Nast Traveller версиясы бойынша шаңғы тебу туризмі бойынша топ-5 бағыттың қатарына енді және New York Times версиясы бойынша ең жақсы 10 саяхат орындарының бірі ретінде белгіленді. Осы жылдың қарашасында Qatar Travel Mart 2024 халықаралық көрмесінде Алматы әлемдегі 60 елден қатысқан қалалар арасында үздік туристік бағыт мәртебесіне ие болды.
«2024 жылдың 9 айында қалаға 1,7 млн турист, оның ішінде 507 мың шетелдік қонақ келді», - деді Алматы қаласының әкімі Ерболат Досаев ОКҚ алаңында өткен баспасөз конференциясында.