Елімізде оқушылардың қысқы демалысы қашан басталады?
Биыл оқушылардың демалысы күнтізбелік он күнді құрайды
Оқу-ағарту министрлігінің мәліметінше, бірінші сынып оқушылары қыста екі рет демалады: ақпан айында оларға қосымша бір апта демалыс беріледі. Бұл туралы Newsroom.kz тілшісі El.kz сайтына сілтеме жасап хабарлайды.
Екінші тоқсанда сегіз оқу аптасы бар. Қысқы демалыс күнтізбелік он күнді құрайды – 2024 жылғы 30 желтоқсаннан бастап 2025 жылғы 8 қаңтарды қоса алғанда. Бірінші сыныптарда қосымша демалыс күнтізбелік жеті күнді құрайды – 2025 жылғы 10-16 ақпан аралығы, - делінген министрлік мәліметінде.
Оқу жылындағы ең ұзақ тоқсан – үшінші тоқсан. Ол он аптаға жалғасады. Көктемгі демалыс наурыз айына жоспарланған және 11 күнге созылады – 21-31 наурыз.