Астанада Nobel Fest & Teachers’ Summit 2024 өтеді

2024 жылдың 21-23 қарашасында Астанада Nobel Fest & Teachers’ Summit 2024 халықаралық форумы өтеді, - деп хабарлайды newsroom.kz. Шараға әлемнің жетекші ғалымдары, технологиялар, жасанды интеллект, нейробиология және білім беру саласындағы сарапшылар мен педагогтар қатысады. Сонымен қатар, "Қазақстан мұғалімі" республикалық конкурсының жеңімпаздарын марапаттау рәсімі өтеді. Жеңімпаздарға 20 миллион теңге көлемінде сыйақы табысталады.

Форумда білім беру, технологиялар, адамзаттың болашағы және жасанды интеллекттің әсері талқыланады. Нейроғылым, генетика, болашақ медицинасы және тұлғалық даму мәселелері де қарастырылады.

Nobel Fest хедлайнерлері:

• Гарри Боллс – жұмыс және карьераның болашағы бойынша әлемдегі №1 сарапшы, Сингулярлық университетінің профессоры.
• Александр Колмановский – отбасылық және ата-ана-бала қатынастары бойынша белгілі психолог.
• Константин Северинов – генетика саласындағы әлемге танымал ғалым.
• Ариф Анис – бизнес және саясат көшбасшыларының жаһандық коучы, бестселлер авторы.

Teachers’ Summit хедлайнерлері:

• Кейшиа Торп – 2021 жылғы "Жаһандық мұғалім" сыйлығының иегері.
• Сестра Зеф – 2023 жылғы "Жаһандық мұғалім" сыйлығының иегері, гуманистік психология сарапшысы.
• Ранжит Дисале – 2020 жылғы "Жаһандық мұғалім" сыйлығының иегері, білім беру инновацияларының авторы.
• Анатолий Некрасов – психолог, "Аналық махаббат" кітабының авторы.

Форум аясында білім берудің болашағы, балаларды тәрбиелеу және менталдық денсаулық тақырыптарында воркшоптар өтеді. Психология бойынша арнайы қонақ – Михаил Лабковский, "Қалаймын және істеймін" кітабының авторы.

Үш күндік шара барысында қатысушылар заманауи ойшылдардың жетекшілігімен құнды тәжірибе мен білім алады.