Халықты құтқаруға ант еткен басшы жемқорлықпен ұсталды

Қазақстан Республикасының Төтенше жағдайлар министрлігінің (ТЖМ) Өртке қарсы қызмет комитетінің бұрынғы төрағасы Нұрлан Дербисов және бірқатар жоғары лауазымды тұлғалар пара алу дерегі бойынша сотталды. Ақмола гарнизоны Әскери сотының үкімімен Дербисов пен Шымкент қаласы ТЖД бастығы Мейрамбек Жақсыбаев 5 жылға, ал Жетісу облысы ТЖД бастығы Бағлан Ізбасаров 9 жылға бас бостандығынан айырылды.

Сот процесі барысында анықталғандай, бұл шенеуніктер бизнес өкілдерінен пара алып, өз қызметтік өкілеттіктерін асыра пайдаланған. Тергеу барысында параның жалпы сомасы 39,7 миллион теңгені құрағаны белгілі болды.