Astana Media Week 2024: Инновациялар, синергия және жаңа бағыт

Astana Media Week 2024 екінші күні Қазақстанда медианы дамытуға қызығушылық танытқан мамандар үшін нағыз жаңалық болары анық. Өңірлік БАҚ-ты ірі платформалармен интеграциялау басты назарда, бұл аудиторияның назарын ұстай білу бағытына қажет,-деп хабарлайды newsroom.kz

Екінші күннің негізгі тезистері - медиа кеңістікті дамытуда синергияны іздеу және контентті жаңа трендтерге бейімдеу. Ресурстар мен технологияларды бірлесіп пайдалану өңірлік БАҚ-қа өзінің қатысуын нығайтып қана қоймай, көрермендердің қызығушылығын арттыруға мүмкіндік береді. Қазақстанда ситуациялық орталықтардың бірінші желісінің іске қосылуын ерекше толқумен күтуде, бірінші болып Қостанай облысы кезекте тұр. Бұл орталықтар медианы бақылау және үлкен деректерді талдау арқылы тұрақтылықты сақтауда маңызды рөл атқарады. «Өңірлік тұрақтылықты қамтамасыз етудегі ситуациялық орталықтардың рөлі» сессиясында технологиялардың кризистік жағдайларға жауап беру мен қоғамдық шиеленісті басқаруға қалай көмектесе алатыны секілді сұрақтар талқыланып, жауаптар алынуы керек.

«Медиа мамандарды даярлау» бүгінгі күннің маңызды тақырыптарының бірі. Бұл сессияда журналистер қауымы арасында басты тақырыптардың біріне айналып үлгерген кәсіби күйзеліс талқыға түседі. Биылғы жыл бейресми түрде психологиялық тұрғыдан алғанда күйзеліске толы болды. Қазіргі таңда журналистика мамандығын таңдап, оқуға түскен түлектердің басым бөлігі медиа салаға аяқ баспай, өз кәсіби мансабын басқа салалардан табуда. Бұл теориялық дайындық пен еңбек нарығының нақты қажеттіліктері арасында үлкен алшақтық тудырады. Мәселені шешу үшін білім беру бағдарламаларын жаңарту және журналистерге халықаралық тағылымдамалар мен практикалық дағдыларға көбірек қол жеткізу жолдарын таңдау. Осы тұрғыда «Болашақ» халықаралық бағдарламалар орталығы АҚ Басқарма төрағасы Әлия Оспанова қазақстандық журналистер үшін шетелде үш тағылымдама ұсынылатынын жариялайды, бұл біліктілікті арттыру бағытындағы маңызды қадам болады.

Отандық медиа алаңдағы қуанышты жаңалықтардың бірі — елімізде Euronews өкілдігінің ашылуы. Бұл жергілікті журналистер үшін жаңа мүмкіндіктерді беру және халықаралық жаңалықтардан уақытылы хабардар болуға мүмкіндік.

Бүгін балалар контентіне назар аудару назардан тыс қалмайды: сапалы қазақстандық сериалдар мен мультфильмдерге қызығушылықтың артуы талқыланады. Шетелдік спикерлер MTV Asia және Nickelodeon балалар бағдарламаларының продюсері Ойштейн Кристиансен және Литвадан келген психиатр және жазушы Дариус Радкевичюс этикалық стандарттардың маңыздылығын және медианың балалардың дамуына әсерін көрсете отырып, балалар контентін құрудың заманауи тәсілдерін талқылайды. ЮНЕСКО-ның ҚКФК өкілі Сабина Акжарова медиа балалардың психикасына қалай әсер ететіні және контент олардың сөйлеуін дамытуға қалай көмектесетіні туралы мәселелерді тақырып етеді.

Қатысушыларды әртүрлі шеберлік сабақтары күтеді. Маңыздыларының бірі - Бақтыгүл Бурбаеваның «Замануи медиаэтикасы» болмақ. Бұл шеберлік сабағы цифрлық дәуірдегі журналистер үшін заманауи этикалық стандарттарға арналады. Фотожурналистика да назардан тыс қалмайды – «Үркер» сыйлығының өткен жылдар жеңімпаздары Мейірбек Тажқұранов пен Оспан Әли фотосуреттің медиа және жаңалықтарды жариялаудағы рөлі туралы шеберлік сабағын өткізеді. Қатысушылар сапалы визуализация жаңалықтардың аудиторияға әсерін қалай арттыра алатынын біледі.

Бұған қызықты қосымша Қазақстанның мәдени мұрасын бейнелейтін бірегей суреттерді
көрсететін Nomad Games цифрлық көрмесі болмақ.Медицина және журналистика мамандары үшін семинар өтеді, онда медициналық ұйымдар мен БАҚ арасындағы, оның ішінде дағдарыстық жағдайларда тиімді өзара іс-қимыл жолдары талқыланады.

Бұқаралық ақпарат құралдары туралы жаңа заң бойынша сараптамалық интерактив күннің
маңызды оқиғасы болмақ, онда «Әділ сөз» халықаралық сөз бостандығы қоры мен Қазақстан Мәдениет және ақпарат министрлігінің өкілдері медиаға қатысты заңнамадағы соңғы өзгері- стерді және жаңа ережелер журналистердің жұмысына әсер етуін талқылайды.

Күн соңында «Қазақстан» РТРК жаңа маусымының тұсаукесері өтеді, бұл кеште көрермендерге ұлттық телеарналарда контент сапасын арттыруға бағытталған жаңа жобалар мен бағдарламаларды ұсынады.