Үндістанда күн қатты ысып кетті.
Елдің солтүстігіндегі Раджастхан штатында ауа температурасы 50 градусқа дейін көтерілген, деп хабарлайды Newsroom+ ақпараттық агенттігі «Хабар 24» арнасына сілтеме жасап.
Мемлекет астанасы Нью-Делиде термометр бағаны 47,6 градусты көрсетіп, бұл мамырдағы ең ыстық күн болып тіркелді. Құрбандар мен жапа шеккендер жоқ. Мамандардың болжамы көңіл көншітпейді. Олар «аптап осы аптаның соңына дейін сақталады» деп отыр.
