Прокурор анонимді Telegram арнасының авторын 5 жылға соттауды сұрады
Сотталушылар өз кінәсын мойындамаған жоқ
Бүгін елордада Данияр Әділбековке қатысты сот отырысы өтті. Сотта прокурор Данияр Әділбековті 5 жылға бас бостандығынан айыруды сұрады,- деп хабарлайды newsroom.kz
Істі Астана қаласының мамандандырылған ауданаралық соты жүргізіп жатыр. Сот барысында прокурор Данияр Қайдаров Әділбековке 2 бап бойынша кінәлі деп тануды өтінді.
Оған «Көрінеу жалған сөз жеткізу» (419-бап 3-бөлігі), «Көрінеу жалған ақпарат тарату» (274-бап 2-бөлігі) баптары бойынша айып тағылған.
Сонымен қатар прокурор іс бойынша айыпталған тағы бір күдікті Ерлан Сәудегеровті 4 жылға бас бостандығынан айыруды сұрады. Сәудегеров қылмысты ұйымдастыру және көрінеу жалған жала жабу баптары бойынша айыпталуда.
Айыптау тарабы Әділбековті энергетика вице-министрі Ақкенженовке қарсы әдейі жалған ақпарат бергені, сондай-ақ журналист Гүлжан Ерғалиев және Астанадағы әуежайдың топ-менеджері Юсуф Альжавдер туралы Telegram-арнасы «Дикая орда» арқылы жалған ақпарат таратқаны үшін кінәлі деп айтуда.
Алайда сотталушылар өз кінәсын мойындамаған жоқ.
Айта кетелік, Данияр Әділбеков 27 наурызда ұсталып, қамауға алынған. Сот тамызда басталған.