Қызылорда облысының әкімі Нұрлыбек Нәлібаев аймақтағы құрылыс жұмыстарына қатысты арнайы жиын өткізіп, жауапты сала басшылары мен аудан әкімдеріне бірқатар тапсырма берді, - деп хабарлайды newsroom.kz
Облыс әкімінің баспасөз қызметінің мәліметінше, облыс аумағында ұлттық жобалар, мемлекеттік бағдарламалар аясында және инвесторлар демеушілігімен бой көтерген жаңа нысандар қатары көп.
«Аймақтағы құрылыс нысандарын арнайы комиссия тексеретін болады. Бұған дейін анықталған кемшіліктер мердігер мекемелерге ескертілді. Алайда, қалпына келтіру жұмыстары толық жүргізілмей келеді. Құрылыс барысы қала, аудан әкімдерінің, жауапты басқарма мен бөлім басшыларының қадағалауында болуы керек. Комиссия бірінші кезекте әлеуметтік нысандарды тексереді. Сонымен қатар, жол, газ бен электр желілерін жүргізу жұмыстарын да бақылайды», – деді Нұрлыбек Нәлібаев.
Аймақ басшысы құрылыс барысындағы кемшіліктерді мердігер мекеме өз есебінен қалпына келтіретінін, олай болмаған жағдайда заң аясында тиісті шаралар қабылданатынын айтты.