Қазақстанда TikTok желісін жауып тастауды ұсынды

Сенат депутаты Геннадий Шиповских Қазақстанда TikTok платформасын бұғаттауды ұсынды. Оның сөзінше, TikTok-тағы контент адам өміріне қауіпті,- деп хабарлайды newsroom.kz

Ол Үкімет басшысына жолдаған депутаттық сауалында TikTok платформасында негатив контенттің көп таралатынын айтты. Мұндай мазмұндағы өнімдер балаларға психикалық және физикалық тұрғыда кері әсер ететінін жеткізді.

Сондай-ақ аталған желі азаматтардың жеке деректерінің киберқауіпсіздігі мен құпиялылығына қауіп төндіретінін атап өтті.