Назым Қызайбай Олимпиада ойындарының қола жүлде иегері атанды
Қазақстандық боксшы жартылай финалда Қытай спортшысы Ву Юмен кездесті
Назым Қызайбай Франция астанасы Парижде өтіп жатқан Олимпиада ойындары аясында бокс бәсекесінің жартылай финалында бақ сынап, қола жүлдені қанжығасына байлады,-деп хабарлайды newsroom.kz
Назым Қызайбай жартылай финалда Қытай спортшысы Ву Юмен кездесті. Нәтижесінде Назым Қызайбай бұл жекпе-жекте 4:1 есебімен жеңіліс тауып, Париж Олимпиадасының қола жүлде иегері атанды.
Айта кетейік, Назым Қызайбай Париж Олимпиадасындағы алғашқы жекпе-жегінде Джиордана Соррентиноны (Италия) ұтқан. Есеп 4:1. Ал жарыстың 1/8 айналымында Каролайн Барбоза де Алмейданы (Бразилия) айқын басымдықпен (5-0) тізе бүктірген.
Сондай-ақ, ширек финалда Колумбия өкілі Ингрит Лорена Валенсия Викторияны (Колумбия) сенімді жеңді. Есеп: 4-1.
Назым Қызайбай әлем чемпионатында 2 рет топ жарып, бір рет үздік үштікті түйіндеген.