Кәрім Көкірекбаев қайта қамауға алынды

«Қазселденқорғаудың» бұрынғы басшысы Кәрім Көкірекбаевтың үкімі жойылды, деп хабарлайды newsroom.kz порталы Qaz365.kz-ке сілтеме жасап. 

7 маусымда Алматы облысының қылмыстық істер жөніндегі мамандандырылған ауданаралық соты ҚР ТЖМ «Қазселденқорғау» ММ бұрынғы басшысы Көкірекбаевты сыбайлас жемқорлық бойынша ақтады. Оның орынбасары Ахатаев пара алғаны үшін, ал «Bazis Construction Infr» ЖШС филиалының директоры Поплавский аса ірі мөлшерде пара бергені үшін кінәлі деп танылды.

Алматы облысының прокуратурасы бірінші сатыдағы соттың қателіктеріне байланысты Көкірекбаевтың ақтау үкіміне апелляциялық шағым түсірді.

«Биыл 25 шілдеде Алматы облыстық соты ҚР ТЖМ «Қазселденқорғау» ММ басшысы Қ.Көкірекбаевқа қатысты ақтау үкімінің күшін жойды, қылмыстық іс бірінші сатыдағы соттың жаңа қарауына жолданды. Сонымен қатар К. Көкірекбаев сот залында қамауға алынды», – делінген хабарламада.