Астанада жаңа ауданға атау ұсынылды

Астанада жаңа алтыншы ауданға атау ұсынылды. Бұл мәселені елорданың қалалық мәслихаты қоғамдық тыңдауларға шығарды, - деп хабарлайды newsroom.kz порталы  Tengrinews.kz-ке сілтеме жасап.

Елордалық Тілдерді дамыту және мұрағат істері басқармасының басшысы Сәкен Есіркептің айтуынша, ономастикалық комиссия отырысында елорданың жаңа ауданы атауына - "Сарайшық" нұсқасы таңдалған.

Шенеунік бұл нұсқадан бөлек Тұран, Сауран, Жерұйық сияқты атаулар да ұсынылғанын атап өтті.

"Астананың барлық ауданы топономика бойынша аталған. Сарайшық та бір кездері Батыс Қазақстандағы аса маңызды қала болған", - деді Сәкен Есіркеп.

Биыл Астанада жаңа аудан пайда болуы мүмкін екені белгілі болды. Әкімдік Алматы ауданын қайта құру туралы шешім қабылданғанын хабарлады.