Экс-министрдің сотында екінші сотталушы Бақытжан Байжанов адвокаттардың сұрақтарына жауап беріп жатыр. Сотталушының айтуынша, Салтанат Нүкенова тәрбиелі, көрген сайын амандық сұрасатын, керемет адам болған,деп хабарлайды Newsroom.kz порталы Ulysmedia.kz.-ке сілтеме жасап.
Байжанов Салтанатпен қарым-қатынасы жақсы болғанын айтады.
–Салтанат «біз Шымкентке бардық, Алматыға бардық. Екі жерде де көп ұрсыстық. Содан кейін ажырасамыз деп шештік» деді. Сол кезде Салтанатқа «көп ұрсыса берсеңіздер неге кетпейсіздер?» деп сұрадым. Салтанат «Бишімбаев ұрысқан, ұрған сайын кешірім сұрайды, сол үшін мен оны аяймын» деді, - деп еске алды Байжанов.