Ақмола облысында бұрын мұғалім болған әйелден ірі көлемде есірткі тәркіленді
Күдікті қамауға алынды
Ақмола облысының полицейлері есірткіні жасырын қойып кетуші әйелді "синтетиканың" аса ірі партиясымен ұстады, деп хабарлайды newsroom.kz порталы ІІМ баспасөз қызметіне сілтеме жасап.
Бір қызығы, әйел 10 жыл бойы Солтүстік Қазақстан облысының ауылдық мектептерінің бірінде мұғалім болып жұмыс істеген. Бірақ бірнеше жыл бұрын жұмыстан шығып, есірткі заттарын қолдана бастады. Есірткіні жасырын салушыны полиция қызметкерлері Степногорск қаласында ұстады.
"Жеке тінту барысында жедел қызметкерлер тыйым салынған затпен 14 байламды тауып, тәркіледі.
Әрі қарай 37 жастағы әйел полицейлерге "жұмыс күні" кезінде есірткіні жасырын салған орындарды көрсетті. Көрсетілген мекенжайлар бойынша қызметкерлер тағы екі үлкен бомба деп аталатын және 4 доза бойынша оралған орам тапты. Жедел-іздестіру және тергеу іс-шаралары аясында полицейлер жалға алынған пәтерді тексерді, онда есірткіні жасырын қойып кетуші Степногорск қаласында бірнеше күн болды. Мұнда жедел уәкілдер тыйым салынған затпен тағы 105 орамды, сондай-ақ есірткіні доза бойынша өлшеп-орауға арналған құрылғыларды тапты", - деп жазылған хабарламада.
Сараптама көрсеткендей, тәркіленген зат салмағы 62,5 грамм болатын мефедрон синтетикалық есірткісі екені расталды, бұл өте үлкен мөлшерге жатады. Ұсталған адамның айтуынша, ол 2023 жылдың соңында Telegram қосымшасынан жұмыс тапқан.
Қазіргі уақытта есірткіні өткізу фактілері бойынша сотқа дейінгі тергеу жүргізілуде, күдікті қамауға алынды.