Белгілі журналист Майя Бекбаева Атырауда өткен Ұлттық Құрылтайда президенттің сөзін қолдап, қазақ халқының Жошы Ұлысымен байланысын айтты,-деп хабарлайды newsroom.kz.
"Қазақстан Шыңғыс ханның үлкен ұлы Жошы хан ұлысымен өзінің мемлекеттік сабақтастығын ресми түрде мойындайтын болады. Бұл туралы Атырауда өткен Ұлттық құрылтайда президент Қасым-Жомарт Тоқаев айтты. Ол өз сөзінде Алтын Орда кезеңімен тығыз байланысты ұлттық тарихымыздың ауқымын толық түсініп, өз мәдени мұрамызды қорғау және ілгерілету қажеттігін жеткізді.
"Қазақстан Ұлы дала көшпелі өркениетінің тікелей қабылдаушысы. Орталық Еуразияның кең аумақтарында мемлекеттік құрылыстың мойындалған шыңдары әрқашан әлемге "Алтын Орда" деп танылған Жошы ұлысы болды. Бұл ортағасырлық державаның геосаяси мұрасы Қазақ хандығын қоса алғанда, бірқатар еуразиялық мемлекеттердің пайда болуының түп қазығы болды. Қазақ этностары мен дінінің бірігуі осы кеңістікте мәдениетаралық симбиоз бен мемлекеттік құрылыстың бірегей моделін жасады",- деді президент.
Президенттің айтқаны өте дұрыс. Себебі, Қазақстанның дәстүрлері Жошы ханның ұлысымен ғана байланысты емес. Сонымен қатар, қазақтардың этногинезі бір уақытта және сол "Алтын Ордада" өтті. Қазіргі Қазақстан жерінде Алтын Орда дәуірінің көптеген материалдық ескерткіштері қалды. Ең бастысы - Жошы ханның бейіті. Иә, Шыңғыс ханның үлкен ұлы біздің жерімізде Қазақстанның дәл ортасында Ұлытауда жерленген. Бұл да бір тарихи байланыс жөнінде айтады. Оның үстіне, оның ағалары Шағатай, Өгедей, Төле де, тіпті Шыңғыс ханның өзінде бейіт жоқ. Олардың қайда жерленгенін ешкім білмейді. Мүмкін сондықтан да қазіргі моңғолдар Ұлытау облысына Жошы ханның қабіріне тағзым ету үшін бүкіл делигацияларымен келеді.
Білесіз бе, олар тағзымды тізерлеп жасайды. Олар тізерлеп отырып, Ұлы Ұлыстың билеушісіне тағзым етеді. Яғни, оның билігін де, ұлылығын да мойындайды. Неліктен біз мұны мойындамаймыз? Неліктен біз өзімізге тиесілі нәрсені алмаймыз? Мойындауға біздің фольклорымыз бен ауызша әдебиетімізде, мифологиямызда, ертегілерімізде дәлел көп. Ол жазбаның барлығы Алтын Орда кезеңімен нақты тарихи оқиғалармен және тұлғалармен байланысты. Керейден Кенесары ханға дейінгілер өздерін Жошы хан ұлысының мұрагерлері деп санады. Бұл іс жүзінде мәртебесі бойынша да, қан бойынша да солай болды. Қазіргі түркі елдерінде біздегідей бай мұра жоқ. Біздің тарихымыздан ұялатын ештеңе жоқ. Керісінше мақтануға көп нәрсе бар. Президент осы тұста өте ақылды шешім қабылдады. Бұл біздің рухымызды оятып, тарихи әділеттікті қалпына келтіруі мүмкін.",- деді Майя Бекбаева.