Түркістан: Жетісайда мерекеде 60 отбасы баспаналы болды
Мерекелік шараға аудан әкімі Серік Мамытов пен аудандық мәслихат төрағасы Медет Қасымов арнайы қатысып, үй иелерін қуаныштарымен құттықтады
«8 наурыз – Халықаралық әйелдер күні» мерекесі аясында Жетісай ауданында 60 отбасы баспаналы болды,- деп хабарлайды Newsroom.kz порталы Түркістан облысы әкімінің баспасөз қызметіне сілтеме жасап.
Мерекелік шараға аудан әкімі Серік Мамытов пен аудандық мәслихат төрағасы Медет Қасымов арнайы қатысып, үй иелерін қуаныштарымен құттықтады.
Бес қабаттан тұратын үйлердегі пәтерлер тұрғын үй кезегінде тұрған Ұлы Отан соғысының ардагері мен көпбалалы отбасыларға, І-ІІ топ мүгедектігі бар азаматтарға, жетім және ата-анасының қамқорлығынсыз қалған балаларға, мемлекеттік қызметшілер мен өзге де бюджеттік мекемеде жұмыс істейтін азаматтарға берілді.
Айта кетейік, аудан басшысының тапсырмасына сәйкес алдағы уақытта сатып алу құқығынсыз жалға берілетін 90 үйді тапсыру көзделіп отыр.