Бірінші орта салмақта бұрынғы чемпион Хайме Мунгия (35-0, 28 КО) орта дивизионда IBF және IBO титулдарына ие қазақстандық Геннадий Головкинді (40-1-1, 35 КО) нокаутқа түсіретін бірінші боксшы бола алады. BoxingScene.com порталына берген сұхбатында мексикалық боксшының промоутері Фернандо Бельтран осындай пікір білдірді. Бұл туралы NewsRoom+ тілшісі Caravan.kz медиа порталына сілтеме жасап хабарлайды.
"Әрине, Мунгия Головкинмен жұдырықтаса алады. Бұл бір тамаша жекпе-жек болатынын сезіп тұрмын. Хайменің оны бірінші болып нокаутқа түсіре алатын тамаша мүмкіндігі бар. GGG-мен рингке шыққан керемет болатын еді. Мықты айқас болары сөзсіз", - дейді промоутер.
Қаңтарда өткен кейінгі жекпе-жегінде Мунгия 11-ші ранудта ирландиялық Гэри О'Салливанды (30-4-0, 21 KO) нокаутқа түсіріп, орта салмақтағы бірінші кездесуін жеңіспен бастады.
Еске салайық, мұның алдында мексикалық боксшы қазақстандық Қанат Исламның (27-0, 21 КО) келісі қарсыласы болуы мүмкін екені айтылған.