Бүгінгі Қазақстан және әлемдегі жаңалықтар | Newsroom.kz RU search

Жамбылда 25 автокөліктің қатысуымен жол апаты орын алыпты

Жол апатынан зардап шеккендер бар ма?

Жамбылда 25 автокөліктің қатысуымен жол апаты орын алыпты
Фото: zhambyl_police

Жамбыл облысында 25 автокөлік соғысып, жол-көлік оқиғасы орын алды,-деп хабарлайды Newsroom.kz

31 қаңтар күні сағат 10:47 шамасында Жуалы ауданы Нұрлыкент ауылының маңында "Батыс Еуропа-Батыс Қытай" республикалық маңызы бар автожолының 567-шақырымында ауа райының қолайсыздығына байланысты (көктайғақ, көрінудің шектелуі, боран) 26 автокөліктің (4 жолаушылар автобусы, 4 жүк көлігі және жеңіл көліктер) қатысуымен жол-көлік оқиғасы орын алды.

ЖКО салдарынан қаза тапқандар жоқ. Б. Момышұлы ауылының орталық аудандық ауруханасына түрлі дәрежедегі дене жарақаттарымен 25 адам жүгінді.

Тараз қаласынан 593-тен 534 шақырымға дейінгі бағыттағы автожол екі жағынан да жабық. Оқиға орнында полиция қызметкерлері жұмыс жасауда, оқиғаның мән-жайлары анықталуда.

Жамбыл облысының полиция департаменті жол қозғалысы ережелерін әсіресе ауа райы қолайсыз болған жағдайда қатаң сақтау қажеттігін еске салады.

 

Мобилді қосымшаны жүктеп алыңыз

NewsRoom.kz қосымшасын жүктеп, жаңалықтардан хабардар болыңыз

Орнату