Павлодар облысында 53 миллион теңгеге жасалып жатқан мұз қалашығы еріп, су болып ағып жатыр, деп хабарлайды newsroom.kz сайты Qazaqstan.tv-ға сілтеме жасап.
Толассыз жауған жауын мен жылы ауа райының салдарынан осылай болып отырған көрінеді.
Ал ауа райын болжау орталығы өңірде қыс қарсыз, жылы, жаңбырлы болатынын екі ай бұрын хабарлап, ескерту жасаған. Мәселен, бүгін +3 градусқа дейін жылып кетті. Алдағы күндері тіпті, қаңтар айында да, күн жылы болатындығы көрсетілген. Сондықтан дәл биылғыдай жылымыққа қарамастан жаңа жылды мерекелеуге 185 млн теңге бөлген жергілікті әкімдіктің әрекеті көпшілік тарапынан сынға ілікті.
“Суық жоқ. Суық болса, мынау қатып тұрушы еді. Қазір қар да жоқ. Кірпіштің өзіне қоқыс жабысып, кірленіп жатыр. Ертең ериді, әрине”, – дейді жұмысшылардың бірі.
Ал құқық қорғау органдары қаржылық талдау жасалып, тексеру жүргізілетінін мәлімдеді.