Атырау облысының әкімі Серік Шапкенов ОКҚ алаңында newsroom.kz порталы тілшісінің "Атырау өңіріндегі өткен жылы орын алған мал қырылу фактісі, осы жылы қайталанбай ма?" деген сұрағына жауап берді.
2022 жылы Атырау облысы Құрманғазы мен Исатай ауданында белгісіз дерттен 80-ге жақын жылқы қырылған еді. Облыс әкімі биыл ондай факті тіркелмегенін айтты.
"Биыл мал қырылу фактісі тіркелген жоқ. Осының алдыңғы жылы болған жылқының паразиттік ауруы бойынша 200-ден аса жылқы ауырып, соның 75-і құлаған болатын.
Биылғы жылы ондай факті жоқ. Өзімнің баяндамамда да айтқандай, асс қауіпті мал ауруы бойынша үш ошақ болды. Екеуі құтыру фактісі, оның ішінде біреуі - малдың, екіншісі мысықтың құтыруы. Енді бір ошақ - бруцеллёз. Үш ошақта жойылды"- деді өңір әкімі.