Қазақстанда балық бағасы қымбаттапты

Биыл қаңтар–қазанда елде 40 мың тонна жаңа ауланған және мұздатылған балық өндірілді, бұл былтырғыдан 0,8% аз көрінеді,- деп хабарлайды newsroom.kz.

Балық өнімдері елімізде Шығыс Қазақстан(10,8мың),Түркістан(8,8 мың), және Атырау облыстарында:(8,5мың) тонна өндіріледі.

Ал, уылдырық және оның алмастырғыштарының өндірісі 11,4 мың тоннаға жеткен, бұл былтырғымен салыстырғанда бірден 28,7% көп. 

Уылдырық өнімдерінің басым бөлігі Түркістан облысында өндірілген екен: 5 мың тонна. Үздік үштікке сондай-ақ, Батыс Қазақстан (2,5 мың тонна, бір жылда 13,5% азайған) және Шығыс Қазақстан (1,1 мың тонна, 62% көбейген) облыстары кіреді. 

Биыл қаңтар–қыркүйекте жергілікті компаниялар өңделген және консервіленген балық, шаян және моллюскаға сұраныстың 47,5%-ын қамтамасыз етті, былтыр көрсеткіш 54,2% болған. Елімізге 51,7 мың тонна өнім импортталды — былтырғыдан 39,9% артық. 

Осы кезеңдегі өндіріс 46,8 мың тоннаны құрады, бір жылда 7,2% көбейген.

Бұл ретте елден ресурстың 17,7%-ы экспортталды: 17,4 мың тонна, бір жылда 8% көбейген.

Ішкі нарықтағы сату бірден 25,7% өсіп, 81,1 мың тоннаға жетті.

Биыл қазанның соңында ҚР-да балық пен теңіз өнімдері бір жылда 14,5% қымбаттады. Оның ішінде жаңа ауланған немесе мұздатылған балық пен теңіз өнімдері 18,3%, өңделген және консервіленген балық — 10,1% қымбаттады.

Өңірлер бойынша балық пен теңіз өнімдері Ұлытау облысында айтарлықтай қымбаттады: 30,3%. Одан кейін Түркістан облысы (21,4%) және Шымкент (21%).