Шахматтан Еуропа чемпионатында «balapan» арнасының анимациялық мультхикаясы таныстырылды

20 Тамыз, 2018 1866 0

2018 жылғы 19-шы тамыз күні Ригада басталған Еуропа чемпионатының ашылу салтанатында «balapan» телеарнасының тапсырысымен Дәрмен Сәдуақасов шахмат академиясы дайындаған «Шахмат патшалығы» анимациялық мультхикаясы таныстырылды.

Аталған мультхикая 32 бөлімнен тұрады және қазақ, орыс, ағылшын тілдерінде әзірленген. Жобаның мақсаты – сапалы 3D анимация жасау ғана емес, сонымен қатар, 4 жастан асқан балаларға шахмат ережелері мен негізгі қағидаларын үйрету және логикалық ойлау жүйелерін қалыптастыру.

Ашылу салтанатына ФИДЕ президенті Кирсан Илюмжинов, Латвияның Қаржы министрі, халықаралық гроссмейстер Дана Резница, Латвияның Білім министрі, Рига қаласының вице-мэрі, белгілі жаттықтырушылар, танымал шахматшылар және өзге де құрметті қонақтар қатысты.

Айта кетерлігі, 30-шы тамызға дейін жалғасатын әйгілі шахмат додасына 47 еуропалық шахмат федерациясынан 1000-нан астам балалар қатысады.

Тегтер: фиде, шахмат, балапан, дәрмен, сәдуақасов

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.