Нұр-Сұлтан әкімі Алтай Көлгінов қаланың сыртындағы блок-бекеттер мамырдың соңына дейін алынбайтынын айтты, - деп хабарлайды NewsRomm+ тілшісі Stan.kz ақпарат агенттігіне сілтеме жасап.
"Мамырдың соңына дейін блок-бекеттер алынбайды. Айдың соңына тама бұл туралы тағы да хабарлаймыз. Жағдай бақылауда", - деді әкім.
Бұған қоса ол айдың соңына дейін облыс аумағында жүретін автобустардың қатынасы әлі жанданбайтынын атап өтті.
"Егер қаладағы эпидемиялогиялық жағдай тұрақталса, маусымнан бастап облыстық автобустарды жүргіземіз", -деп қосты Көлгінов.
Елорда әкімі қалада спортпен шұғылдануға рұқсат берілгенін, дегенмен жаттығу залдары әлі жабық екенін ескерді.
"Дәрігерлер фитнес орталықтарды ашуға кеңес бермейді. Бұл мәселеге де кейінірек ораламыз", - деді шенеунік.
Еске салайық, бұған дейін Нұр-Сұлтан әкімі қаладағы балабақшалардың жұмысына тоқталып өткен еді.
