Роза Мұқанова: Еркегің болмаса қорғансызсың!
Белгілі жазушы Роза Мұқанова ер азаматтардың бәрі дүниеқоңыз емес дейді
Бұл туралы newsroom.kz порталы хабарлайды.
Марқұм Салтанат Нүкенова күйеуі Бишімбаев Қуандықтың қолынан қаза тапқаннан кейін қоғам дүрлігіп, қыз-келіншектер әлеуметтік желілерде зорлық-зомбылыққа қарсы посттар жазып, түрлі челлендждер ұйымдастыруда. Осы тұста жазушы, журналист Роза Мұқанова ер азаматтардың бәрін бірдей жау көрудің керегі жоқ дейді.
"Қоғам пікірі от-жалын болып лапылдап тұр екен. ЕР азаматтардың бәрі шетінен дүниеқоңыз, балаға алимент төлемейтін, қашқынбай мен қуғынбай, қылмыскерлер екен... Расында солай ма?..
Дүниесінің бәрін өз атына заңдастырып, еркегін қуып жіберген әйел қаншама. Балаларын әкеге қарсы айдап салып, дүние мүлкін тонап, қаңғытып жіберген әйелдер қаншама? Қартайған әкені қорлап, жәбірлеп, қоғамға жағымды көрінгісі келетін байшыкеш отбасылар ше?..
Сондықтан әйелге арашашы болып, ер азаматтарды жау көргенді қоя тұралық. Еркекке де, Әйелге де АДАМ деп қарап үйренейік!
Біразың шабаланып та қаларсыңдар. Дегенмен Ер азаматтың көтерер жүгі әйелден салмақтырақ! Еркегің болмаса ҚОРҒАНСЫЗСЫҢ. Өзің де, балаң да қорғансыз. Сондықтан азаматыңа кішірейіп отырып, қылығыңмен, сән-салтанатыңмен жаға отырып, ошағыңды өшірмеуді үйрен! Өзіңді өзің сыйлап, тәрбиелеп ҮЙРЕН, қазақтың қызы!!!"