Жапондар сияқты! Даниядағы матчта қазақтар қоқыс қалдырмаған
Футболдан Қазақстан ұлттық құрамасының жанкүйерлері 2024 жылғы Еуропа чемпионатының іріктеу кезеңі аясында Копенгагенде Даниямен өткен ойында ойыншыларға белсенді түрде қолдау көрсетті
Бұл туралы newsroom.kz порталы tengrinews.kz-ке сілтеме жасап хабарлайды.
Ойыннан кейін жанкүйерлер трибунаны тегіс тазалап кеткен. Оқиға орнынан видеоны қазақстандық блогер Артур Асқарұлы Instagram-дағы парақшасында жариялады.
Кадрлардан Қазақстан туын ұстаған жанкүйерлер қағаз бен пластик шыныаяқтарды, азық-түлік қаптамаларын және басқа да қоқыстарды жинап жатқанын көруге болады.