Қазақстанда құмар ойыншыларға несие бермеуі мүмкін
Құмар ойынға құныққандарға несие беру тәртібі қатаңдатылмақ
"Ашық НҚА" сайтында 6 қазан күні жарияланған бұйрық, 20 қазанға дейін қоғамдық талқылауда болмақ,- деп хабарлайды newsroom.kz.
Қаржы нарығын реттеу және дамыту агенттігі құмар ойынға құныққандардың төлем қабілеттілігін бағалауды ұсынып отыр.
Несие алатын адамның төлем қабілеттілігі былай бағаланады.
"Атаулы әлеуметтік көмек алушыға немесе ойын бизнесімен белсенді айналысатын тұлғаға тән белгілері бар қарыз алушыға қатысты оның табысын бағалау ресми кірісі бойынша айқындалады.
Осы тармақтың мақсаттары үшін ойын бизнесіне белсенді тартылған адамның белгілері бар қарыз алушы деп соңғы 6 (алты) айда ойын бизнесін ұйымдастырушының пайдасына 300 000 (үш жүз мың) теңгеден астам сомаға үштен аса төлем жасаған жеке тұлға анықталған", - делінген жарлық жобасында.