Балалар мен жасөспірімдер арасында қылмыстық құқық бұзушылық жиілеп бара ма?

Биыл қаңтар–шілде қорытындысы бойынша, ҚР-да кәмелетке толмаған 944 адам қылмыстық жауапкершілікке тартылды, бұл былтырғыдан 11,5% көп. Олардың ішінде небәрі 64 қыз болған. Осы жасөспірімдердің ішінде 65 адам бұрын құқық бұзушылық жасаған (былтырғы сәйкес кезеңде мұндай 59 адам болған, бір жылда көрсеткіш 10,2% өскен), деп хабарлайды newsroom.kz. Былтыр қаңтар–шілде айларында 847 кәмелетке толмаған қылмыстық жауапкершілікке тартылды, бұл бір жыл бұрынғыдан 9,1% артық. Балалар мен жасөспірімдердің басым бөлігі ұрлық бойынша жауапкершілікке тартылған: 393 адам — былтырғыдан 8,6% артық. Салада жиі орын алатын қылмыстардың қатарында тонау (109 адам, 13,5% көбейген), бұзақылық (85 адам, 32,8% көбейген), алаяқтық (73 адам, 40,4% көбейген) және денсаулыққа қасақана орташа ауырлықтағы зиян келтіру (44 адам, 51,7% көбейген). Кісі өлтірген кәмелетке толмағандар саны бірден 4 есе (бір жыл бұрын 3 адам, биыл 12 адам), зорлық жасағандар 2 есе (бір жыл бұрын 5 адам, биыл 10 адам), ұрлық 90% (19 адамнан 10 адамға), қарақшылық жасаған немесе жол қозғалысы ережесін бұзғандар әрқайсысы 83,3% (әрқайсысы 11 адам, бір жыл бұрын 6 адам) көбейді. Өңірлер бойынша кәмелетке толмағандардың қылмыстық жауапкершілікке тартылуы Алматыда көп: 98 адам — былтырғыдан 58,1% көп. Одан кейін Астана (80 адам, 33,3% көбейген), Түркістан облысы (80 адам, 9,6% көбейген) және Шымкент (67 адам, 28,8% көбейген). Ең аз Ұлытау (6 адам), Солтүстік Қазақстан (15 адам) және Павлодар (17 адам) облыстарында.