"Оның себептері бар": Ләйлә Сұлтанқызы екінші рет коронавирусқа тест тапсырды

Отандық танымал тележүргізуші Ләйлә Сұлтанқызы осымен екінші мәрте коронавирусқа ПТР-тестін тапсырып жатыр. Ақпарат өкілі жұмыс істейтін ғимараттан COVID-19 жұқтырған адамдар анықталған болатын. Ол қауіпті инфекцияға тексерілуге өзімен бірге ұлдарын да алып барған, - деп жазады NewsRoom+ тілшісі KAZ.NUR.KZ. ақпарат агенттігіне сілтеме жасап. Ләйлә Сұлтанқызы коронавирусқа қатысты тесті тапсыруына екі түрлі себеп бар болғанын алға тартты. Ол туралы тележүргізуші егжейлі-тегжейлі Instagram парақшасында түсіндірген. Оның үстіне БАҚ өкілі алғаш келін болып түскен кезін есіне алып, үй жинауды қалай үйренгінін ашып айтты. "Бүгін екінші рет ПЦР тест тапсырдық. Оған 2 себеп болды.Біріншісі, "Қазмедиада" ауырғандар бар дегені. Екіншісі, әкеміз медицина саласында қызмет еткендіктен болар, мұндайға келгенде қатал, тазалыққа келгенде тіпті «бүжәй». Алғаш келін боп түскенім есіме түсіп отыр. Аптасына 2 рет үй жинап үйренген мен көзге көрініп, шаң болмаса үй таза ғой деп ойлайтынмын. Содан бір күні шаңның кесірінен «аллергия» басталды. Бірден тазалыққа қатты мән беретін әулет екенін түсіндірді. Содан бері міне, 15 жылдың ішінде люстра/кондиционер/батарейканың ішіндегі шаңға дейін күнде сүртілетін болды. Күніне 2 рет еден жуу мен пылесосты айтпағанда.