Еліміздің өңтүстік өңірінде жылы күндердің тұрақталуымен құрамында есірткі бар өсімдіктерді егіп-өсіруге деген әрекеттер қолға алына бастайды, деп хабарлады ІІМ Есірткі қылмысына қарсы іс-қимыл департаменті
Алматы облысының есірткі полицейлері жедел ахуалды зерделеу және пысықтау нәтижесінде өзінің бақшасындағы жер телімінде 1259 түп қара сора еккен, Қарасай ауданы Қолды ауылының жергілікті тұрғынын анықтады.
Заңсыз плантация ғылыми-аграрлық тұрғыда егілген, яғни өсімдіктерді қоректендіру және тамшылап суару әдісі қолданылған. Бұдан әрі өсімдікті толыққанды суару көзделген. Қара сора плантациясын көршілерден жасыру үшін 2 метрлік қоршаумен қоршаған.
Ұсталған адамның үйіне және шаруашылық құрылыс жайларына тінту жүргізу барысында кептірілген марихуана салынған үш пакет, сондай-ақ қара сора дәндері бар пакеттер табылды. Қара сора өсірілген плантация жойылды, - делінген ақпаратта.
Кінәлі тұлғаға қатысты ҚР ҚК-нің 330-бабы Құрамында есірткі бар, өсіруге тыйым салынған өсімдіктерді заңсыз егіп-өсіру бойынша қылмыстық іс қозғалды. Аталған бап бойынша жаза екі мың АЕК дейін айыппұл салуды, түзеу жұмыстарын, екі жылға дейін бас бостандығын шектеуді немесе айыруды көздейді.
