Қордайдағы екі дүкені жанып кеткен жігіт сұхбат берді

11 Ақпан, 2020 434 0

Ол осы оқиғадан кейін Қырғызстанға кетіп қалмақшы болған. Бірақ қайтып оралды.

Бұл туралы Baq.kz сілтеме жасаған newsroom.kz хабарлайды. 

Өзім осы Масанчиде туып өскенмін. Оқиға болған күннің ертеңінде Қырғызстанның шекарадағы Тоқмақ қаласына бармақшы болғанбыз. Бірақ қайтып алып келді. Қазіргі кезде отбасым мешітте тұрып жатыр. 35 жастамын. Жиеніме осы төбелесте оқ тиген. Бүгін қайтыс болды, – дейді Рамазан.

Оның айтуынша, Масанчи ауылында 2 дүкені бар екен.
Жұма күні (7 ақпан) кешкі сағат 19:30 кезінде дүкенім өртенді. Олар тас лақтырды. Сосын жауып тастағанмын. Сосын өздері ашып, ішіндегі тауарларды алып кетті. Енді мемлекет қолдау көрсетсе жақсы болар еді, – дейді ол.

Естеріңізге сала кетейік, 7 ақпанда Жамбыл облысы, Қордай ауданындағы жаппай төбелестен 8 адам қаза тауып, 40-тан астам жарақат алған болатын. Сондай-ақ, жаппай төбелес бойынша қылмыстық іс қозғалған болатын.

Мемлекет басшысы Қ.К. Тоқаевтың Жамбыл облысындағы жағдайға байланысты мәлімдемесі жариялаған болатын.  

Бейбітшілік пен қоғамдық келісім – біздің мемлекетіміздің берік негізі. Халқымыз қиын-қыстау замандарда өзінің біртұтастығын сақтап қалған. Сондықтан, біз кейбір азаматтарға, соның ішінде арандатушыларға еліміздің басты құндылығын – ынтымақ-бірлігімізді бұзуға жол бермейміз, - деген еді.

Дереккөз: oinet.kz

Тегтер: Қордай, қақтығыс, дүкен, жанжал

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.