Биылғы жылдың бірінші тоқсанының қорытындысы бойынша елімізде 24,5 мың неке тіркелді, бұл бір жыл бұрынғыдан 10,6% аз. Қалаларда некеге тұру саны бір жылда 28,1%, 15,6 мыңға дейін төмендесе, ауылдарда бірден 55,6%, 8,9 мыңға дейін өсті, деп хабарлайды newsroom.kz.
Үш айда ажырасулар саны 3,9 мыңды құрап, бір жыл бұрынғы көрсеткіштен 5,6% азайды. Қалаларда ажырасулар саны бір жылда 14,6% азайып, 2,9 мыңға дейін, ауылдарда 36,8% өсіп, 986-ға жетті.
Өңірлер бойынша некелердің көпшілігі Түркістан облысында тіркелді: 2,8 мың — бір жыл бұрынғыдан 13,3% аз. Үздік үштікке сондай-ақ Алматы (2,5 мың, бір жылда 29,9% азайды) және Алматы облысы (2,2 мың, 20,5% азайды) кірді. Ең аз неке Ұлытау облысында тіркелген: 264.
Ең көп ажырасулар Алматы (494), Астана (351) және Қарағанды облысында (341) тіркелген. Ең аз ажырасулар Ұлытау, Қызылорда және Атырау облыстарында тіркелген.
Қазақстандықтар арасында ажырасуға деген көзқарас бойынша ҚҚДИ әлеуметтік зерттеу мәліметінше, респонденттердің көпшілігі теріс көзқарас білдірген. Қазақстандықтардың 39,8%-ы ажырасуға өте жағымсыз көзқараста, олар үшін ажырасуға жол берілмейді. 41,3%-ы ажырасуды жағымсыз құбылыс деп санайды, бірақ кейде тұрақты жанжалдардан гөрі ажырасу жақсырақ. Респонденттердің 12,8%-ы ажырасу өмірге оң әсер етеді, ажырасу кейде жаңа отбасын құруға мүмкіндік береді деп есептейді. Сауалнамаға қатысқандардың тек 1,3%-ы ажырасуға толықтай оң көзқараспен қарайды, олар бұрынғы ерлі-зайыптылардың екеуіне де оң әсер етеді деп есептейді.
Ажырасу себептері ретінде респонденттер ерлі-зайыптылардың біреуінің алкоголизмін немесе нашақорлығын (61,7%), тұрмыстық зорлық-зомбылықты (зайыбына немесе балаларға қатысты) (51,1%), ерлі-зайыптылардың біреуінің құмар ойындарын (47%), көзге шөп салу (38,4%), ерлі-зайыптылардың біреуінің дәстүрлі емес жыныстық бағдары (22%) аталады.
